«Ливерпуль» чап қанот ҳимоячиси Эндрю Робертсон фаолиятини «Тоттенхэм»да давом эттиради. Журналист Бен Жейкобснинг хабар беришича, «шпорлар» шотландиялик футболчи билан принципиал келишувга эришган.

32 ёшли футболчи агар «Тоттенхэм» Премьер-лигадаги ўрнини сақлаб қолса, Лондон клубига ўтишга розилик билдирган эди. Роберто де Дзерби шогирдлари кеча сўнгги турда «Эвертон»ни мағлуб этиб, Чемпионшипга равона бўлишдан қутулиб қолишди.

Эндрю Робертсоннинг «Ливерпуль» билан тузган шартномаси ёзда ўз ниҳоясига етади, шу сабабли у «Тоттенхэм»га эркин агент сифатида ўтади. У мерсисайдликлар шарафини 2017 йилдан буён ҳимоя қилиб келаётганди ва шу вақт мобайнида жамоа сафида 378 та ўйинда майдонга тушган.