«Milan» bosh murabbiyi Massimiliano Allegri lavozimini tark etishga yaqin turibdi. Jurnalist Matteo Morettoning xabar berishicha, klubni faqat Allegri emas, balki bosh direktor sifatida faoliyat yuritgan Jordjo Furlani ham tark etishi kutilmoqda.
«Milan» xo‘jayini Djerri Kardinale allaqachon sport va bosh direktor lavozimlariga yangi nomzodlarni qidirishni boshlagan. Buning uchun xorijlik mutaxassislar ko‘rib chiqilmoqda. Umuman olganda, mavsum yakunidagi muvaffaqiyatsizlikdan so‘ng «rossonerilar» lagerida katta «revolyusiya»ga hozirlik ko‘rilmoqda.
Eslatib o‘tamiz, «Milan» Italiya chempionatining so‘nggi turida o‘z maydonida «Kalyari»dan kutilmaganda mag‘lubiyatga uchrab (1:2), Chempionlar ligasi yo‘llanmasidan mosuvo bo‘lgan edi.
