«Милан» бош мураббийи Массимилиано Аллегри лавозимини тарк этишга яқин турибди. Журналист Маттео Мореттонинг хабар беришича, клубни фақат Аллегри эмас, балки бош директор сифатида фаолият юритган Жорджо Фурлани ҳам тарк этиши кутилмоқда.

«Милан» хўжайини Джерри Кардинале аллақачон спорт ва бош директор лавозимларига янги номзодларни қидиришни бошлаган. Бунинг учун хорижлик мутахассислар кўриб чиқилмоқда. Умуман олганда, мавсум якунидаги муваффақиятсизликдан сўнг «россонерилар» лагерида катта «революция»га ҳозирлик кўрилмоқда.

Эслатиб ўтамиз, «Милан» Италия чемпионатининг сўнгги турида ўз майдонида «Кальяри»дан кутилмаганда мағлубиятга учраб (1:2), Чемпионлар лигаси йўлланмасидан мосуво бўлган эди.