«Bornmut»ning 19 yoshli hujumchisi Eli Junior Krupi Londonning «Arsenal» klubi e’tiborini tortdi. Bu haqda Daily Star xabar bermoqda.
«Loryan»dan 13 million yevro evaziga «Bornmut»ga kelib qo‘shilgan Krupi yorqin mavsumni o‘tkazdi va endi uning transfer qiymati klub tomonidan 7 barobarga qimmatladi (taxminan 90 mln yevrodan ortiq). «Arsenal»ning qiziqishiga qaramay, fransiyalik futbolchi hozirda «Bornmut»ga to‘liq e’tibor qaratganini va kelasi mavsumda jamoa bilan yevrokuboklarda ishtirok etishni orzu qilayotganini ta’kidladi.
Ta’kidlash joizki, aynan Krupi «Manchester Siti» darvozasiga gol urib, «Arsenal»ga muddatidan avval chempionlikni rasmiylashtirishga yordam bergan edi. Shundan so‘ng Mikel Arteta shogirdlarining ko‘plab o‘yinchilari unga ijtimoiy tarmoqlarda minnatdorchilik bildirishgan.
Krupi o‘tgan APL mavsumida 13 ta gol urib, 20 yoshgacha bo‘lgan debyutantlar o‘rtasida yangi rekord o‘rnatdi. Ungacha rekord «Liverpul» vakili Robbi Fauler va «Koventri»dan Robbi Kinga tegishli bo‘lib, ular mavsum davomida 12 tadan gol kiritishgan edi.
