«Manchester Yunayted» yarim himoyachisi Brunu Fernandesh Roy Kinning u haqida aytgan gaplariga munosabat bildirdi.
Avvalroq «MYU» sobiq yarim himoyachisi va sardori jamoaning «Nottingem Forest»ga qarshi o‘yini (3:2) butunlay portugaliyalik futbolchining bir mavsumdagi assistlar bo‘yicha rekordini yangilashiga qaratilganini aytgandi.
«Men doim tanqidga qarshi emasligimni aytaman. Har kimning tanqidini qabul qilaman va hech qachon hech kimga javob qaytarmayman. Odamlarning o‘z fikri bor, ular buni yaxshi, yomon yoki qanday bo‘lsa, shunday deb hisoblashadi.
Menga yoqmaydigan narsa — odamlar yolg‘on gapirishi. Bu vaziyatda esa Roy Kin haqida aytganlaringiz, aniqrog‘i uning so‘zlari — yolg‘on. Baxtimga, hammasi tasvirga muhrlangan, tasavvur qiling, agar shunday bo‘lmaganida odamlar Brunu doim golli pas berishga intiladi deb o‘ylashardi», — dedi Brunu Fernandesh.
