«Манчестер Юнайтед» ярим ҳимоячиси Бруну Фернандеш Рой Киннинг у ҳақида айтган гапларига муносабат билдирди.

Аввалроқ «МЮ» собиқ ярим ҳимоячиси ва сардори жамоанинг «Ноттингем Форест»га қарши ўйини (3:2) бутунлай португалиялик футболчининг бир мавсумдаги ассистлар бўйича рекордини янгилашига қаратилганини айтганди.

«Мен доим танқидга қарши эмаслигимни айтаман. Ҳар кимнинг танқидини қабул қиламан ва ҳеч қачон ҳеч кимга жавоб қайтармайман. Одамларнинг ўз фикри бор, улар буни яхши, ёмон ёки қандай бўлса, шундай деб ҳисоблашади.

Менга ёқмайдиган нарса — одамлар ёлғон гапириши. Бу вазиятда эса Рой Кин ҳақида айтганларингиз, аниқроғи унинг сўзлари — ёлғон. Бахтимга, ҳаммаси тасвирга муҳрланган, тасаввур қилинг, агар шундай бўлмаганида одамлар Бруну доим голли пас беришга интилади деб ўйлашарди», — деди Бруну Фернандеш.