"Liverpul" Angliya terma jamoasining 23 yoshli himoyachisi Levi Koluillni kuzatmoqda va yozgi transferlar oynasida shartnoma imzolash imkoniyatini ko‘rib chiqmoqda. Bu haqda Football Insider xabar bermoqda.
Avvalroq "Chelsi" himoyachisiga "Real" va "Barselona" klublari qiziqish bildirayotgani xabar qilingan edi. Biroq endi futbolchida Premyer-ligada qolish istiqboli paydo bo‘ldi.
Koluill 2021 yildan beri "aristokratlar" safida to‘p suradi. Joriy mavsumda himoyachi londonliklar safida 4 ta o‘yinda maydonga tushdi. Futbolchi mavsumning katta qismini oldingi xochsimon paylarning uzilishidan so‘ng tiklanish jarayonida o‘tkazdi.
