Argentina terma jamoasi muxlislari "Inter Mayami" o‘yinida Lionel Messi og‘riq tufayli almashtirilganini ko‘rib, xavotirga tushishgan edi.
Doble Amarilla xabariga ko‘ra, Lionel Messi tibbiy tekshiruvdan o‘tdi. U yulduzli hujumchida hech qanday jarohat yo‘qligini, Messi shunchaki mushak toliqishidan aziyat chekayotganini ko‘rsatdi. Shu tariqa, Argentina terma jamoasi muxlislari xotirjam bo‘lishlari mumkin.
Messining jahon chempionati oldidan o‘rtoqlik o‘yinlarida ishtirok etishiga hech narsa xavf solmayapti. Jahon chempionatida Argentina terma jamoasi o‘z chempionlik unvonini himoya qiladi. O‘tgan mundial finalida "albiseleste" Fransiyani 3:3 hisobidagi durangdan so‘ng penaltilar seriyasida mag‘lub etgan edi.
