Braziliyalik darvozabon Alisson Beker faoliyatini Angliyada davom ettirishi mumkin. Insayder Fabrisio Romanoning ijtimoiy tarmoqlarda xabar berishicha, «Liverpul» rahbariyati tajribali darvozabonni jamoada olib qolmoqchi.
Mersisaydliklar klubi futbolchi bilan yangi mehnat shartnomasini imzolash bo‘yicha kelishuvga erishmoqchi. Tomonlar o‘rtasidagi amaldagi shartnoma muddati kelasi mavsum yakunida o‘z nihoyasiga yetadi.
Avvalroq matbuotda Turinning «Yuventus» klubi Alissonning transferiga qiziqish bildirayotgani haqida xabarlar tarqalgan edi.
Eslatib o‘tamiz, 33 yoshli darvozabon «Liverpul» safida 2018 yilning yozidan buyon to‘p surib kelmoqda. Braziliyalik futbolchining bozor qiymati hozirda 17 million yevroga baholanmoqda.
