Бразилиялик дарвозабон Алиссон Бекер фаолиятини Англияда давом эттириши мумкин. Инсайдер Фабрицио Романонинг ижтимоий тармоқларда хабар беришича, «Ливерпуль» раҳбарияти тажрибали дарвозабонни жамоада олиб қолмоқчи.
Мерсисайдликлар клуби футболчи билан янги меҳнат шартномасини имзолаш бўйича келишувга эришмоқчи. Томонлар ўртасидаги амалдаги шартнома муддати келаси мавсум якунида ўз ниҳоясига етади.
Аввалроқ матбуотда Туриннинг «Ювентус» клуби Алиссоннинг трансферига қизиқиш билдираётгани ҳақида хабарлар тарқалган эди.
Эслатиб ўтамиз, 33 ёшли дарвозабон «Ливерпуль» сафида 2018 йилнинг ёзидан буён тўп суриб келмоқда. Бразилиялик футболчининг бозор қиймати ҳозирда 17 миллион еврога баҳоланмоқда.
