«Liverpul» klubi yozgi transfer oynasida hujum chizig‘ini kuchaytirishni rejalashtirmoqda. Jurnalist Ben Jeykobs dushanba kuni ushbu mavzuga bag‘ishlangan maqolasini e’lon qildi.
«Liverpul»ning rejasi — yoki ikkita vinger, yoki bitta vinger va bitta universal hujumchini sotib olish. Mersisaydliklarning asosiy maqsadlaridan biri sifatida «RB Leypsig» a’zosi Yan Diomande qolmoqda. «Qizillar»ga ushbu 19 yoshli futbolchi juda manzur kelmoqda, biroq uning uchun so‘ralayotgan 100 million yevro miqdoridagi mablag‘ muammo tug‘dirishi mumkin.
Shuningdek, «Liverpul»ning radarida quyidagi futbolchilar ham bor:
«PSJ»ning 23 yoshli a’zosi Bredli Barkola, «Nyukasl»ning 25 yoshli hujumchisi Entoni Gordon.
Qayd etilishicha, agar «PSJ» Barkolaning o‘rniga boshqa futbolchi topsa, uni qo‘yib yuborish borasidagi pozisiyasini yumshatishi mumkin.
