Madridning «Real» klubi sobiq hujumchisi va murabbiyi Xorxe Valdano fransiyalik hujumchi Kilian Mbappega qilinayotgan tanqidlar vaqtida uni himoya qilib chiqdi.

«U Jahon chempionatida g‘olib chiqqan, yana bir turnir finalida esa uchta gol urib, vise-chempion bo‘lgan. Biz qandaydir o‘rtamiyona o‘yinchi haqida gapirayotganimiz yo‘q — gap, ehtimol, ayni damda dunyoning eng yaxshi futbolchisi haqida ketmoqda. «PSJ»da sodir bo‘layotgan barcha yaxshi narsalar uchun ham, «Real»da yuz berayotgan barcha yomonliklar uchun ham uni aybdor qilish — vaholanki u chempionat to‘purari bo‘lib turibdi — mening nazarimda, bu endi haddan oshib ketishdir», — deya Valdanoning so‘zlarini Goal nashri keltirmoqda.

Avvalroq Mbappening «Real» mashg‘ulot maydonida murabbiylar shtabi a’zolaridan biri bilan nizoga borgani haqida xabarlar tarqalgan edi.