Мадриднинг «Реал» клуби собиқ ҳужумчиси ва мураббийи Хорхе Вальдано франциялик ҳужумчи Килиан Мбаппега қилинаётган танқидлар вақтида уни ҳимоя қилиб чиқди.

«У Жаҳон чемпионатида ғолиб чиққан, яна бир турнир финалида эса учта гол уриб, вице-чемпион бўлган. Биз қандайдир ўртамиёна ўйинчи ҳақида гапираётганимиз йўқ — гап, эҳтимол, айни дамда дунёнинг энг яхши футболчиси ҳақида кетмоқда. «ПСЖ»да содир бўлаётган барча яхши нарсалар учун ҳам, «Реал»да юз бераётган барча ёмонликлар учун ҳам уни айбдор қилиш — ваҳоланки у чемпионат тўпурари бўлиб турибди — менинг назаримда, бу энди ҳаддан ошиб кетишдир», — дея Вальданонинг сўзларини Goal нашри келтирмоқда.

Аввалроқ Мбаппенинг «Реал» машғулот майдонида мураббийлар штаби аъзоларидан бири билан низога боргани ҳақида хабарлар тарқалган эди.