APLdan tushib ketish xavfidan qutulib qolgan «Tottenxem» yana «Manchester Siti» vingeri Savinyoni sotib olishga harakat qilmoqda. Bu haqda insayder Fabrisio Romano o‘zining ijtimoiy tarmoqlarida ma’lum qildi.
Mavjud ma’lumotlarga ko‘ra, dastlabki muzokaralar allaqachon olib borilmoqda. O‘tgan yozda braziliyalik futbolchi bilan kelishuvga erishilgan edi, biroq «Manchester Siti» uni sotmaslikka qaror qilgani sababli transfer amalga oshmay qolgandi. Hozirda Savinyo klubni tark etishga tayyor, shuningdek, uni «Nyukasl» ham kuzatmoqda.
Yakunlangan mavsumda 22 yoshli futbolchi 36 ta o‘yinda maydonga tushdi (har bir o‘yinda o‘rtacha 41 daqiqa). Uning hisobida 4 ta gol va 3 ta golli uzatma bor.
Transfermarkt portali Savinyoning bozor qiymatini 40 million yevroga baholamoqda.
