«Roma» klubi o‘zining rasmiy sayti orqali hujumchi Doniell Malenning transfer huquqini to‘liq sotib olganini e’lon qildi. 27 yoshli niderlandiyalik futbolchi bilan 2030 yilning o‘rtalarigacha mo‘ljallangan shartnoma imzolandi.

Avvalroq matbuotda «Roma» Malen uchun «Aston Villa»ga 25 million yevro to‘lashi haqida xabarlar tarqalgan edi.

Doniell Malen «bo‘rilar» safiga 2026 yil yanvar oyida kelib qo‘shilgan edi. Ijara asosida to‘p tepgan hujumchi 20 ta o‘yinda maydonga tushib, 15 ta gol va 3 ta golli uzatmani amalga oshirdi.

Ma’lumot uchun, «Roma» A Seriya turnir jadvalida uchinchi o‘rinni egallab, 2026/2027 yilgi mavsum uchun Chempionlar ligasi yo‘llanmasini qo‘lga kiritdi.