«Рома» клуби ўзининг расмий сайти орқали ҳужумчи Дониэлл Маленнинг трансфер ҳуқуқини тўлиқ сотиб олганини эълон қилди. 27 ёшли нидерландиялик футболчи билан 2030 йилнинг ўрталаригача мўлжалланган шартнома имзоланди.

Аввалроқ матбуотда «Рома» Мален учун «Астон Вилла»га 25 миллион евро тўлаши ҳақида хабарлар тарқалган эди.

Дониэлл Мален «бўрилар» сафига 2026 йил январ ойида келиб қўшилган эди. Ижара асосида тўп тепган ҳужумчи 20 та ўйинда майдонга тушиб, 15 та гол ва 3 та голли узатмани амалга оширди.

Маълумот учун, «Рома» А Серия турнир жадвалида учинчи ўринни эгаллаб, 2026/2027 йилги мавсум учун Чемпионлар лигаси йўлланмасини қўлга киритди.