«Real»ning sobiq himoyachisi Daniel Karvaxal Madrid klubini tark etgach, faoliyatini qayerda davom ettirishi borasidagi fikrlari bilan o‘rtoqlashdi.

«Hozir yozgi ta’tildan zavqlanaman, lekin faoliyatimni davom ettirishim aniq. O‘zim va oilam uchun eng yaxshi variant qaysi bo‘lishini ko‘rib chiqamiz va shu asosda qaror qabul qilaman. Ispaniyada qolishni afzal ko‘ramanmi? Hali bilmayman, biz shoshilmasdan qaror qabul qilamiz.

«Komo» yoki Qatardan takliflar bormi? Rostini aytsam, bilmayman. Hozircha barcha variantlar uchun ochiqman va biz bu borada ishlayapmiz», — deya Karvaxalning so‘zlarini keltiradi Madrid Extra.

Daniel Karvaxal 2013 yildan 2026 yilgacha «Real» sharafini himoya qildi. U Madrid klubi libosida jami 451 ta o‘yin o‘tkazib, 14 ta gol urdi va 66 ta golli uzatmani amalga oshirdi.