Madridning «Real» klubi va bir qator Italiya jamoalarining sobiq futbolchisi Antonio Kassano Andoni Iraolaning «Milan» bosh murabbiyligiga nomzodini ma’qullamoqda. Uning fikricha, Iraola hozirgi kunda klubga aynan kerak bo‘lgan zamonaviy futbolni shakllantirishga qodir.
«Agar «Milan» Iraolani xohlasa, bu sovrin yutish maqsadida zamonaviy, yevropacha futbol uslubini qo‘llay oladigan murabbiyni tanlash borasidagi ambisiyali qaror hisoblanadi», — deya Kassanoning so‘zlaridan iqtibos keltiradi pianetamilan.it.
Eslatib o‘tamiz, «Milan» yakunlangan mavsumni faqat beshinchi o‘rinda tugatib, Chempionlar ligasida ishtirok etish huquqidan mahrum bo‘ldi. Endi jamoa Yevropa ligasida to‘p suradi.
