«Kristal Pelas» o‘z tarixidagi eng yorqin davrlardan birini boshdan kechirmoqda. Chorshanba kuni London «burgutlari» finalda «Rayo Valyekano»ni (1:0) mag‘lub etib, Konferensiyalar ligasi g‘olibiga aylanishdi. «Kristal Pelas» uchun bu so‘nggi bir yil ichida qo‘lga kiritilgan uchinchi yirik sovrindir. 2025 yilda londonliklar Angliya kubogi va Angliya Superkubogida zafar quchishgan edi.

Sentyabr oyida «Kristal Pelas» tashkil topganiga 121 yil to‘ladi. 119 yildan ziyod vaqt mobaynida klub tarixida birorta ham yirik sovrin bo‘lmagan — faqat quyi divizionlardagi titullar bilan cheklanib qolingan. Endi esa «burgutlar» bir yil ichida uch marta nufuzli sovrinni boshlari uzra baland ko‘tarishdi.

«Kristal Pelas» ushbu uchta sovrinning barchasini Oliver Glasner boshchiligida qo‘lga kiritdi. Avstriyalik mutaxassis mavsum yakunlangach, klubdan ketishga qaror qilganini ancha avval e’lon qilgan edi.