«Real» «Chelsi» yarim himoyachisi Enso Fernandesni o‘z safiga qo‘shib olishni maqsad qilgan. VVS ma’lumotlariga ko‘ra, madridliklar argentinalik futbolchi uchun «ko‘klar» so‘rayotgan 120 million yevroni to‘lashga tayyor emas, agar jamoa o‘z futbolchilarini sotish orqali mablag‘ ishlab topmasa.

Madrid klubi transfer summasini kamaytirish uchun bitimga o‘z o‘yinchilaridan birini qo‘shish variantini ko‘rib chiqmoqda. «Chelsi» esa Enso evaziga «Real» yarim himoyachisi Arda Gyulerni talab qilishi mumkin.

Enso Fernandes «Chelsi»ga 2023 yilda «Benfika»dan 121 million yevro evaziga o‘tgan edi. Uning London klubi bilan tuzgan shartnomasi 2032 yilning 30 iyuniga qadar mo‘ljallangan. Joriy mavsumda yarim himoyachi «ko‘klar» safida barcha turnirlarda 53 ta o‘yinda maydonga tushib, 15 ta gol urgan va yettita golli uzatmani amalga oshirgan.