«Manchester Siti» hujumchisi Erling Xoland ijtimoiy tarmoqlarda post qoldirdi. Norvegiyalik forvard o‘n yillik faoliyatidan so‘ng klubni tark etgan Xosep Gvardiolaga murojaat qildi.

«O‘rgatishdan hech qachon to‘xtamagan murabbiy. Bu aqlbovar qilmasdek tuyuladi, lekin siz buyuklikni oddiy bir holga aylantirdingiz. Hatto xet-triklar, g‘alabalar va sovrinlardan keyin ham doimo yangi saboq, yangi chaqiruv va intilish kerak bo‘lgan yangi daraja bo‘lardi. Bu mentalitet klubni abadiyga o‘zgartirdi va meni ham o‘zgartirdi. Eng yaxshisi bilan ishlash — bu hayotdagi eng katta sharaf. Barchasi uchun rahmat, boss», — deb yozdi Xoland.

Erling Xoland Xosep Gvardiola qo‘l ostida to‘rt mavsum o‘tkazdi. Bu vaqt ichida hujumchi 198 ta rasmiy o‘yinda maydonga tushib, 162 ta gol urdi va sheriklariga 30 ta golli uzatma berdi.