Niderlandiya terma jamoasi bosh murabbiyi Ronald Kuman «Liverpul» himoyachisi Jeremi Frimpongni JCH-2026 qaydnomasiga kiritmagani sababini ma’lum qildi.

«Ushbu mavsumda unda muntazam jarohat olish moyilligi kuzatilmoqda», — dedi murabbiy chorshanba kuni bo‘lib o‘tgan matbuot anjumanida.

Ta’kidlash joizki, yakunlangan mavsumda niderlandiyalik futbolchi tizza osti paylaridagi muammolar tufayli klub va terma jamoa safida jami 26 ta o‘yinni o‘tkazib yubordi. Jeremi «Liverpul» safida mavsum davomida 35 ta o‘yinda maydonga tushib, 2 ta gol urdi va 2 ta golli uzatmani amalga oshirdi. Bu uning Leverkuzenning «Bayer» klubidan mersisaydliklar safiga o‘tganidan keyingi ilk mavsumi edi.