Davide Anchelotti Fransiyaning «Lill» klubi yangi bosh murabbiyi bo‘ladi. Marca nashri xabariga ko‘ra, tomonlar kelishuvga erishib bo‘lishgan. Endi faqat klubning amaldagi murabbiyi Bruno Jenezio ketgani haqidagi rasmiy bayonotni kutish qoldi.

Karlo Anchelottining o‘g‘li 2021 yildan 2025 yilgacha «Real»da otasiga yordamchi murabbiylik qilgan edi. Shundan so‘ng u Braziliyaning «Botafogo» klubida bosh murabbiy sifatida ishladi va bir vaqtning o‘zida Braziliya terma jamoasida ham otasining shtabida faoliyat yuritdi. Endi esa Davide yana Yevropa futboliga qaytmoqda.

«Lill» yakunlangan mavsumni Fransiya chempionatida «PSJ» va «Lans»dan keyin uchinchi o‘rinda yakunladi. Ta’kidlash joizki, «Lill» so‘nggi yillarda «PSJ»ning gegemoniyasini to‘xtata olgan yagona klub bo‘lib, 2020/21 yilgi mavsumda chempionlikni qo‘lga kiritgan edi.