Ralf Rangnik «Milan» boshqaruvini qo‘lga olmaydigan bo‘ldi. Avvalroq, Avstriya terma jamoasi ustozining nomzodi Zlatan Ibragimovichga ma’qul kelgani va «Milan» egalarining maslahatchisi Venada mutaxassis bilan uchrashuv o‘tkazgani xabar qilingan edi.

Sky Sport Italia nashrining ma’lumotiga ko‘ra, Milan klubi haqiqatan ham 2020 yildagi qiziqishdan so‘ng yana Rangnik nomzodiga qaytgan. Biroq muzokaralar davomida murabbiylik lavozimi muhokama qilinmagan. Gap texnik bo‘limdagi hali aniq belgilanmagan vazifa haqida ketgan.

Qayd etilishicha, germaniyalik mutaxassis taklifni qabul qilish uchun o‘z shartlarini bayon etgan. Ushbu shartlar qatoriga «rossoneri» uchun bosh murabbiy va sport direktorini shaxsan tanlash huquqi kiritilgan.