Himoyachi Yurryen Timber «PSJ»ga qarshi Chempionlar ligasi finali oldidan «Arsenal» bilan mashg‘ulotlarga qaytdi. Hal qiluvchi o‘yin 30 may kuni bo‘lib o‘tadi. Timber ushbu hafta boshida yakka tartibda mashg‘ulotlarni boshlagan edi, chorshanba kuni esa allaqachon asosiy guruh bilan birga shug‘ullandi. U mashg‘ulotlarni hech qanday asoratlarsiz o‘tkazdi va endi tarkibga kirishga da’vogarlik qilishi mumkin.

«Arsenal» safida 2006 yilgi Chempionlar ligasi finalida o‘ng qanot himoyasida o‘ynagan Emmanuel Ebue Mikel Artetaga xavf-xatardan qochishni maslahat bermoqda: «Timber, albatta, maydonga tushishni juda istaydi. Ammo u uzoq vaqt o‘ynamadi. «PSJ» esa juda tez va kuchli klub. Menimcha, Timberni zaxirada qoldirgan ma’qul», — deya Ebuening so‘zlaridan iqtibos keltiradi Metro.

Niderlandiyalik himoyachi mart oyidan beri maydonga tushmagan edi. U chanoq sohasidagi muammolar tufayli 14 ta o‘yinni o‘tkazib yubordi. Uning o‘z pozisiyasida yo‘qligi, ayniqsa, Ben Uayt tizzasidan olgan jarohati tufayli mavsum oxirigacha safdan chiqqanidan keyin yaqqol sezildi.