Ҳимоячи Юррьен Тимбер «ПСЖ»га қарши Чемпионлар лигаси финали олдидан «Арсенал» билан машғулотларга қайтди. Ҳал қилувчи ўйин 30 май куни бўлиб ўтади. Тимбер ушбу ҳафта бошида якка тартибда машғулотларни бошлаган эди, чоршанба куни эса аллақачон асосий гуруҳ билан бирга шуғулланди. У машғулотларни ҳеч қандай асоратларсиз ўтказди ва энди таркибга киришга даъвогарлик қилиши мумкин.
«Арсенал» сафида 2006 йилги Чемпионлар лигаси финалида ўнг қанот ҳимоясида ўйнаган Эммануэль Эбуэ Микель Артетага хавф-хатардан қочишни маслаҳат бермоқда: «Тимбер, албатта, майдонга тушишни жуда истайди. Аммо у узоқ вақт ўйнамади. «ПСЖ» эса жуда тез ва кучли клуб. Менимча, Тимберни захирада қолдирган маъқул», — дея Эбуэнинг сўзларидан иқтибос келтиради Metro.
Нидерландиялик ҳимоячи март ойидан бери майдонга тушмаган эди. У чаноқ соҳасидаги муаммолар туфайли 14 та ўйинни ўтказиб юборди. Унинг ўз позициясида йўқлиги, айниқса, Бен Уайт тиззасидан олган жароҳати туфайли мавсум охиригача сафдан чиққанидан кейин яққол сезилди.
