«COPE» xabariga ko‘ra, «Real» yozgi transferlar oynasida o‘tgan yili «Osasuna»ga o‘tib ketgan hujumchisi Viktor Munyosni ortga qaytarishi mumkin.
Manbaning ma’lum qilishicha, madridliklar klubi tarbiyalanuvchisi bo‘lgan 22 yoshli ispaniyalik futbolchi joriy mavsumda barcha musobaqalarda 36 ta uchrashuvda maydonga tushib, 7 ta gol urdi va 5 ta golli uzatmani amalga oshirdi. Ushbu ko‘rsatkichlari bilan u «Real» e’tiborini o‘ziga tortdi.
Futbolchining «Osasuna» bilan amaldagi shartnomasi 2030 yilgacha mo‘ljallangan. «Transfermarkt» portali uning transfer qiymatini 20 million yevroga baholamoqda.
