«COPE» хабарига кўра, «Реал» ёзги трансферлар ойнасида ўтган йили «Осасуна»га ўтиб кетган ҳужумчиси Виктор Муньосни ортга қайтариши мумкин.

Манбанинг маълум қилишича, мадридликлар клуби тарбияланувчиси бўлган 22 ёшли испаниялик футболчи жорий мавсумда барча мусобақаларда 36 та учрашувда майдонга тушиб, 7 та гол урди ва 5 та голли узатмани амалга оширди. Ушбу кўрсаткичлари билан у «Реал» эътиборини ўзига тортди.

Футболчининг «Осасуна» билан амалдаги шартномаси 2030 йилгача мўлжалланган. «Transfermarkt» портали унинг трансфер қийматини 20 миллион еврога баҳоламоқда.