«Atletiko» klubi Xulian Alvaresning «Barselona»ga o‘tishi mumkinligi haqidagi mish-mishlarga munosabat bildirdi. Avvalroq, kataloniyaliklar yozgi transferlar oynasida hujumchini tarkibga qo‘shib olishni rejalashtirayotgani haqida xabarlar tarqalgan edi.
«U sotilmaydi. Klub o‘yinchi bo‘yicha hech qanday taklif olmagan va hech qanday uchrashuvlar o‘tkazmagan.
Biz ko‘p oylar davomida davom etayotgan yolg‘on, chala haqiqatlar va to‘qima hikoyalardan charchadik. Masalan, [Alvaresning] Barselonadan uy sotib olgani yoki o‘yinchilarimizga berilayotgan bema’ni savollar kabi.
Bunda o‘yinchining aybi yo‘q. Xulian o‘zini bekamu-ko‘st tutmoqda, muammo tashqi omillarda», — deya ma’lum qildi Madrid klubidagi manbalar.
