Joao Pedro Koul Palmer haqidagi taassurotlari bilan o‘rtoqlashdi.

«U juda aqlli. U — sehrgar. Bir safar unga: «Seni bunchalik kuchli deb o‘ylamagandim», dedim. U esa menga hayron bo‘lib qaradi. Lekin endi u bilan birga o‘ynab, uning boshqalardan haqiqatan ham ajralib turishiga amin bo‘ldim.

Men unga: «Nega Braziliya terma jamoasiga o‘tmaysan? «O‘nlik» raqamida o‘ynaysan, do‘stim. Muammo yo‘q», dedim.

Chunki Braziliyada bunday o‘yinchi yo‘q. Agar bizga e’tibor bersangiz, 4-2-4 sxemasida o‘ynaymiz. Bizda klassik «o‘nlik» yo‘q.

Koul — alohida iste’dod. Ba’zan u ko‘rinmay qoladi, lekin bir soniyada o‘yin taqdirini o‘zgartirib yuboradi. Shunday ekan, u haqiqatan ham juda kuchli», — dedi «Chelsi» hujumchisi.