Жоао Педро Коул Палмер ҳақидаги таассуротлари билан ўртоқлашди.

«У жуда ақлли. У — сеҳргар. Бир сафар унга: «Сени бунчалик кучли деб ўйламагандим», дедим. У эса менга ҳайрон бўлиб қаради. Лекин энди у билан бирга ўйнаб, унинг бошқалардан ҳақиқатан ҳам ажралиб туришига амин бўлдим.

Мен унга: «Нега Бразилия терма жамоасига ўтмайсан? «Ўнлик» рақамида ўйнайсан, дўстим. Муаммо йўқ», дедим.

Чунки Бразилияда бундай ўйинчи йўқ. Агар бизга эътибор берсангиз, 4-2-4 схемасида ўйнаймиз. Бизда классик «ўнлик» йўқ.

Коул — алоҳида истеъдод. Баъзан у кўринмай қолади, лекин бир сонияда ўйин тақдирини ўзгартириб юборади. Шундай экан, у ҳақиқатан ҳам жуда кучли», — деди «Челси» ҳужумчиси.