«PSJ» sardori Markinyos Chempionlar ligasi finali oldidan jamoaning kayfiyati haqida gapirdi. Parijliklar 30 may kuni Budapeshtda bo‘lib o‘tadigan final bahsida «Arsenal»ga qarshi maydonga tushadi.
«Kerakli motivasiyaga ega bo‘lish muhim. O‘tgan yili biz buni maydonda ko‘rsata oldik. Menimcha, bu yil ham bizda shunday ishtiyoq bor va buni o‘yinda isbotlamoqchimiz.
Chempionlar ligasida bir marta zafar quchgandan so‘ng, buni yana takrorlashni xohlab qolasan. Biz o‘tgan yilgi finaldan keyin kiyinish xonasida hukm surgan o‘sha tuyg‘u va hissiyotlarni qayta his qilishni istaymiz. G‘alabaga bo‘lgan chanqoqlikni saqlab qolishimiz shart.
Muxlislar mashinalarda, do‘stlarimiz va boshqa odamlar juda uzoq masofalardan kelishmoqda... Ehtimol, bu motivasiyani yanada kuchaytirar, chunki biz doim shunday hayajonli lahzalarni boshdan kechirishni xohlaymiz», — dedi Markinyos.
