"Everton" darvozaboni Jordan Pikford Angliya Premyer-ligasining yakunlangan mavsumidagi eng yaxshi seyv muallifi deb topildi. Pikford Premyer-liganing 28-turi doirasida "Nyukasl"ga qarshi safarda o‘tkazilgan o‘yinda "irislar" darvozasini qo‘riqlagan edi.
O‘sha vaziyatda "qarg‘alar" yarim himoyachisi Sandro Tonali Pikford darvozasiga o‘rta trayektoriya bo‘yicha kuchli zarba yo‘lladi. Angliya terma jamoasi darvozaboni sakrab, katta tezlikda darvoza tomon kelayotgan to‘pni qaytarishga muvaffaq bo‘ldi.
Eslatib o‘tamiz, avvalroq APLda yakunlangan mavsumning eng yaxshi goli aniqlangani haqida xabar bergan edik. Ushbu gol muallifi "Fulxem" futbolchisi bo‘lib, to‘p Angliyaning sobiq chempioni – "Liverpul" darvozasiga kiritilgan edi.
