Rossiya terma jamoasi va «Arsenal» sobiq hujumchisi Andrey Arshavin Dik Advokatning Kyurasao terma jamoasi bosh murabbiyi sifatidagi faoliyati haqida fikr bildirdi.
«Advokat jamoasi Jahon chempionatiga chiqqanini eshitib xursand bo‘ldim. Odatda odamlar pensiya uchun pul yig‘ishadi, Advokat esa navbatdagi marta hayotni aldab o‘tdi va pensiyani keyinga surdi!» — dedi sobiq futbolchi «Match TV» telekanali efirida.
Jahon chempionati — 2026 Shimoliy Amerikaning uchta davlatida: AQSH, Kanada va Meksikada bo‘lib o‘tadi. Kyurasao terma jamoasi mundialning guruh bosqichida Germaniya, Ekvador va Kot‑d’Ivuar jamoalari bilan kuch sinashadi. Musobaqa 11 iyundan 19 iyulgacha davom etadi.
