«Milan» va Braziliya terma jamoasining sobiq himoyachisi Kafu «PSJ» va «Arsenal» o‘rtasida o‘tadigan Chempionlar ligasi finali haqida o‘z mulohazalarini bildirdi.
«Kim g‘alaba qozonishini aytish juda qiyin. Hozir «PSJ» yoki «Arsenal» deya olmayman. Har ikkala jamoaning asosiy tarkibi deyarli bir xil darajada, shuning uchun g‘olibni bashorat qilish nihoyatda mushkul. «Arsenal» — juda xavfli jamoa. Ular standart vaziyatlardan unumli foydalana oladi. Ular ajoyib turnir o‘tkazdi, kam gol o‘tkazib yubordi. Shu bois, bu juda katta final bo‘lishiga aminman», — dedi Kafu.
Eslatib o‘tamiz, «PSJ» va «Arsenal» o‘rtasidagi Chempionlar ligasi finali 30 may kuni Budapeshtda (Vengriya) bo‘lib o‘tadi.
