«Милан» ва Бразилия терма жамоасининг собиқ ҳимоячиси Кафу «ПСЖ» ва «Арсенал» ўртасида ўтадиган Чемпионлар лигаси финали ҳақида ўз мулоҳазаларини билдирди.

«Ким ғалаба қозонишини айтиш жуда қийин. Ҳозир «ПСЖ» ёки «Арсенал» дея олмайман. Ҳар иккала жамоанинг асосий таркиби деярли бир хил даражада, шунинг учун ғолибни башорат қилиш ниҳоятда мушкул. «Арсенал» — жуда хавфли жамоа. Улар стандарт вазиятлардан унумли фойдалана олади. Улар ажойиб турнир ўтказди, кам гол ўтказиб юборди. Шу боис, бу жуда катта финал бўлишига аминман», — деди Кафу.

Эслатиб ўтамиз, «ПСЖ» ва «Арсенал» ўртасидаги Чемпионлар лигаси финали 30 май куни Будапештда (Венгрия) бўлиб ўтади.