2025 yilning yozida ingliz yarim himoyachisi Anxel Gomes «Lill»dan «Marsel» klubiga o‘tgan edi. Biroq qishki transfer oynasida futbolchi «Vulverxempton»ga ijaraga berildi. «Bo‘rilar» safida xavbek 13 ta uchrashuvda maydonga tushdi, ammo samarali harakatlari bilan ajralib tura olmadi.
Ushbu yozda Gomes yana klubini o‘zgartirishi mumkin. Futbolchining xizmatlariga APLning uchta jamoasi qiziqish bildirmoqda. O‘yinchini «Nyukasl», «Liverpul» va «Tottenxem» klublari o‘z safiga qo‘shib olmoqchi.
Shuningdek, Dortmundning «Borussiya» klubi ham yarim himoyachiga e’tibor qaratmoqda. Ma’lumot uchun, Anxel Gomes — «Manchester Yunayted» akademiyasi tarbiyalanuvchisi hisoblanadi.
