2025 йилнинг ёзида инглиз ярим ҳимоячиси Анхель Гомес «Лилль»дан «Марсель» клубига ўтган эди. Бироқ қишки трансфер ойнасида футболчи «Вулверхэмптон»га ижарага берилди. «Бўрилар» сафида хавбек 13 та учрашувда майдонга тушди, аммо самарали ҳаракатлари билан ажралиб тура олмади.

Ушбу ёзда Гомес яна клубини ўзгартириши мумкин. Футболчининг хизматларига АПЛнинг учта жамоаси қизиқиш билдирмоқда. Ўйинчини «Ньюкасл», «Ливерпуль» ва «Тоттенхэм» клублари ўз сафига қўшиб олмоқчи.

Шунингдек, Дортмунднинг «Боруссия» клуби ҳам ярим ҳимоячига эътибор қаратмоқда. Маълумот учун, Анхель Гомес — «Манчестер Юнайтед» академияси тарбияланувчиси ҳисобланади.