Ommaviy axborot vositalari tarqatgan xabarga ko‘ra, «Real» himoyachi Alvaro Karrerasni sotish niyatida emas.

Madrid klubi rahbariyati futbolchidan kattaroq o‘sish kutganliklarini tan olmoqda. Karrerasning «Santyago Bernabeu»dagi ilk mavsumi Ispaniya grandi boshliqlarida to‘liq ishonch uyg‘otmadi. Biroq «Real» hamon himoyachiga ishonishda davom etmoqda.

«Qaymoqranglilar» futbolchining jismoniy va o‘yin borasidagi mahorati yuqori ekanligini hamda uning yanada shakllanishi uchun imkoniyati borligini ta’kidlamoqda. Yakunlangan mavsumda Alvaro Karreras «Real» safida 40 ta o‘yinda maydonga tushib, o‘z hisobiga ikkita gol va uchta golli uzatmani yozdirib qo‘ydi.