«Barselona»ning yangi futbolchisi Entoni Gordon «Nyukasl»dan amalga oshirilgan transferidan so‘ng «ko‘k-anorranglilar» muxlislariga bag‘ishlab post e’lon qildi.

«Salom, «Barselona» muxlislari! Bu yerda ekanimdan juda xursandman va faxrlanaman. Bu — amalga oshgan orzu. Har kuni ham bunday klub bilan shartnoma imzolamaysiz. Men bor kuchim bilan ishlayman va jamoaga ko‘plab sovrinlarni yutishda yordam beraman. «Barselona» safida o‘ynash qanday mas’uliyat ekanini bilaman, shu bois bu chaqiriqdan juda hayajondaman va unga tayyorman.

Men jamoadoshlarim va murabbiy bilan uchrashishni, bu yerda yangi bobni boshlashni intizorlik bilan kutyapman. Rafa Yuste, Joan Laporta, Deku va klubdagi barcha xodimlarga menga ishonch bildirganliklari va imkoniyat berganliklari uchun minnatdorchilik bildiraman. Shuningdek, muxlislarga mehr va qo‘llab-quvvatlov uchun rahmat aytaman, sizlar uchun o‘ynashdan juda baxtiyorman. Olg‘a, «Barselona» va Olg‘a, Kataloniya!» — deb yozdi Gordon ijtimoiy tarmoqdagi sahifasida.