«Барселона»нинг янги футболчиси Энтони Гордон «Ньюкасл»дан амалга оширилган трансферидан сўнг «кўк-анорранглилар» мухлисларига бағишлаб пост эълон қилди.
«Салом, «Барселона» мухлислари! Бу ерда эканимдан жуда хурсандман ва фахрланаман. Бу — амалга ошган орзу. Ҳар куни ҳам бундай клуб билан шартнома имзоламайсиз. Мен бор кучим билан ишлайман ва жамоага кўплаб совринларни ютишда ёрдам бераман. «Барселона» сафида ўйнаш қандай масъулият эканини биламан, шу боис бу чақириқдан жуда ҳаяжондаман ва унга тайёрман.
Мен жамоадошларим ва мураббий билан учрашишни, бу ерда янги бобни бошлашни интизорлик билан кутяпман. Рафа Юсте, Жоан Лапорта, Деку ва клубдаги барча ходимларга менга ишонч билдирганликлари ва имконият берганликлари учун миннатдорчилик билдираман. Шунингдек, мухлисларга меҳр ва қўллаб-қувватлов учун раҳмат айтаман, сизлар учун ўйнашдан жуда бахтиёрман. Олға, «Барселона» ва Олға, Каталония!» — деб ёзди Гордон ижтимоий тармоқдаги саҳифасида.
