Shanba kuni Chempionlar ligasining finali bo‘lib o‘tdi, unda «PSJ» penaltilar seriyasida «Arsenal»ni mag‘lub etdi. WhoScored mashhur statistik portali versiyasiga ko‘ra, hal qiluvchi bahsning eng yaxshi futbolchisi 7,6 ball olgan Dezire Due deb topildi.
Musobaqaning umumiy natijalariga ko‘ra esa, eng yuqori o‘rtacha ballga Madridning «Real» klubi a’zosi Kilian Mbappe sazovor bo‘ldi (8,12). U, shuningdek, 15 ta gol bilan to‘purarlar poygasida ham g‘olib chiqdi. Reytingda ikkinchi o‘rinni «Bavariya»dan Garri Keyn (8,08) egallagan bo‘lsa, kuchli uchlikni «Barselona»dan Lamin Yamal (8,04) yakunlab berdi.
Kuchli beshlikka, shuningdek, Maykl Olise («Bavariya», 7,91) va Xvicha Kvarasxeliya («PSJ», 7,77) kiritildi.
