«Real»ning ehtimoliy bosh murabbiyi Joze Mourinyo Endrikni kelasi mavsumda jamoa tarkibida ko‘rishni rejalashtirmoqda. Bu haqda insayder Fabrisio Romano X ijtimoiy tarmog‘ida xabar berdi.

Manbaga ko‘ra, 19 yoshli braziliyalik hujumchi nafaqat madridliklarning yangi murabbiyi, balki klub rahbariyatining ham uzoq muddatli rejalariga kiritilgan.

Eslatib o‘tamiz, Endrik mavsumning ikkinchi yarmini Fransiyaning «Lion» klubida ijara asosida o‘tkazib, o‘zini yorqin ko‘rsatishga muvaffaq bo‘lgandi. Fransuz jamoasi safida hujumchi barcha turnirlarda 21 ta o‘yin o‘tkazib, 8 ta gol va 8 ta golli uzatmaga mualliflik qilgan. Braziliyalik futbolchi terma jamoaning jahon chempionati uchun qaydnomasiga ham kiritilgan.