«Реал»нинг эҳтимолий бош мураббийи Жозе Моуриньо Эндрикни келаси мавсумда жамоа таркибида кўришни режалаштирмоқда. Бу ҳақда инсайдер Фабрицио Романо Х ижтимоий тармоғида хабар берди.
Манбага кўра, 19 ёшли бразилиялик ҳужумчи нафақат мадридликларнинг янги мураббийи, балки клуб раҳбариятининг ҳам узоқ муддатли режаларига киритилган.
Эслатиб ўтамиз, Эндрик мавсумнинг иккинчи ярмини Франциянинг «Лион» клубида ижара асосида ўтказиб, ўзини ёрқин кўрсатишга муваффақ бўлганди. Француз жамоаси сафида ҳужумчи барча турнирларда 21 та ўйин ўтказиб, 8 та гол ва 8 та голли узатмага муаллифлик қилган. Бразилиялик футболчи терма жамоанинг жаҳон чемпионати учун қайдномасига ҳам киритилган.
