«PSJ» bosh murabbiyi Luis Enrike «Arsenal» ustidan qozonilgan g‘alabadan so‘ng jamoa kelasi yili ham Chempionlar ligasi finaliga chiqishga harakat qilishini ta’kidladi.
«Butun mavsum davomida ko‘rsatgan o‘yinimizdan kelib chiqib, Chempionlar ligasida g‘olib bo‘lishga loyiq edik deb hisoblayman. Biz juda xursandmiz va kelasi yili ham finalda bo‘lishga intilamiz. O‘ylaymanki, men Chempionlar ligasida to‘rtinchi bor g‘olib chiqishim mumkin», — dedi Enrike final hushtagidan so‘ng.
«PSJ» ketma-ket ikkinchi bor Chempionlar ligasi bosh sovrinini qo‘lga kiritdi, Enrike uchun esa bu murabbiylik faoliyatidagi uchinchi YECHL tituli bo‘ldi. Parij klubi yangi mavsumni 12 avgust kuni UEFA Superkubogi doirasida «Aston Villa»ga qarshi o‘yin bilan boshlaydi.
