«Real Madrid» prezidenti Florentino Peres Joze Mourinyoning Madrid klubini boshqarishi mumkinligi haqidagi mish-mishlarga munosabat bildirdi.

«Mourinyo? U buyuk murabbiy. Men uni taniyman, u ham «Real»ni va futbolchilarni yaxshi biladi, lekin boshqa ko‘plab nomzodlar ham bor. Murabbiy topish — muhim masala, ammo undan ham muhimrog‘i, jamoa jarohatlardan xoli bo‘lishi va murabbiy mavsumoldi tayyorgarlikni to‘liq o‘tkaza olishidir. Agar mavsumoldi tayyorgarliksiz ish boshlasang, mavsum barbod bo‘ldi degani. Nima bo‘lgan taqdirda ham, bizda ajoyib murabbiy bo‘ladi», — dedi Peres.

Eslatib o‘tamiz, Joze Mourinyo avval ham 2010 yildan 2013 yilgacha «Real»ni boshqargan. Uning qo‘l ostida Madrid klubi La Liga, Ispaniya kubogi va Ispaniya superkubogida g‘olib chiqqan.