"Manchester Siti" himoyachisi Yoshko Gvardiol o‘zining kelajagi haqida fikr bildirdi.
So‘nggi paytlarda ommaviy axborot vositalarida xorvatiyalik futbolchining ingliz gigantlarini tark etish istagi haqida mish-mishlar tarqalmoqda.
"Mening kelajagim? Barchamiz har tomondan ko‘plab mish-mishlarni ko‘rdik. Men "Manchester Siti"da baxtliman, menga kerak bo‘lgan hamma narsa bor. Jahon chempionatidan keyin nima bo‘lishini ko‘ramiz", dedi Gvardiol Barça Universal nashriga bergan intervyusida.
O‘tgan mavsumda 24 yoshli Gvardiol barcha musobaqalarda 25 ta o‘yinda maydonga tushib, ikkita gol urgan va beshta golli uzatma bergan. Himoyachining "Manchester Siti" bilan amaldagi shartnomasi 2028 yil iyun oyiga qadar amal qiladi.
