Jurnalist Gaston Edul hujumchi Xulian Alvares yozgi transferlar oynasida jamoasini o‘zgartirishiga ishonmoqda.

«Xulian Alvares kelasi mavsumda ham «Atletiko»da o‘ynashini juda qiyin, hatto deyarli imkonsiz deb hisoblayman», — deya Edulning so‘zlarini keltiradi «Mundo Deportivo».

Shu bilan birga, jurnalist «Atletiko» allaqachon Alvares bo‘yicha ikkita taklifni — «Barselona» va «PSJ»dan kelgan xatlarni rad etganini ta’kidlab o‘tdi. Xulian Alvaresning kelajagi borasidagi mish-mishlar yaqin orada kamaymasligi aniq.

Eslatib o‘tamiz, 26 yoshli argentinalik futbolchining «Atletiko» bilan tuzgan shartnomasi yana to‘rt mavsumga mo‘ljallangan. Avvalroq Alvaresga «Barselona» loyihasi ma’qul kelayotgani va futbolchi «Kamp Nou»da to‘p surishni istashi xabar qilingan edi.