Fransiyaning «PSJ» klubi Chempionlar ligasi finalida Angliyaning «Arsenal» jamoasini mag‘lub etgach, 2026 yilgi «Oltin to‘p» uchun kurashdagi holat keskin o‘zgardi, deb xabar bermoqda Sports.kz.

Parijliklar Chempionlar ligasida ketma-ket ikkinchi bor g‘oliblikni qo‘lga kiritdi. Finalda asosiy va qo‘shimcha vaqt 1:1 hisobida yakunlanganidan so‘ng, penaltilar seriyasida «Arsenal» mag‘lub etildi. Bu muvaffaqiyat jamoa yetakchilarining jahon futbolidagi eng nufuzli individual sovrin uchun kurashdagi imkoniyatlarini sezilarli darajada oshirdi.

Score90 nashrining 2026 yil iyun oyi uchun yangilangan reytingiga ko‘ra, endi «Oltin to‘p»ning asosiy favoriti «PSJ» vingeri Usmon Dembele hisoblanmoqda. Fransiyalik futbolchi birinchi o‘ringa ko‘tarilib, Lamin Yamalni ortda qoldirdi. «Barselona» iqtidori esa ikkinchi pog‘onaga tushib ketdi.

«Oltin to‘p» uchun asosiy da’vogarlar top-5 taligi:

1. Usmon Dembele («PSJ»)
2. Lamin Yamal («Barselona»)
3. Kilian Mbappe («Real»)
4. Xarri Keyn («Bavariya»)
5. Xvicha Kvarasxeliya («PSJ»)

Ta’kidlash joiz, Dembele 2025 yil yakunlariga ko‘ra ham «Oltin to‘p» sohibi bo‘lgan edi.

Ushbu ro‘yxatda ilk bor Gruziya milliy terma jamoasi vingeri Xvicha Kvarasxeliya ham paydo bo‘ldi. U yakunlangan Chempionlar ligasi mavsumida 16 ta uchrashuvda maydonga tushib, 10 ta gol va 6 ta golli uzatma muallifi bo‘ldi.