«Aston Villa» yarim himoyachisi Morgan Rodjersning top-klubga o‘tishi haqidagi mish-mishlar davom etmoqda. «Transfer News Live» nashri «Telegraph»ga tayanib xabar berishicha, Birmingem klubi rahbariyati 23 yoshli futbolchiga bir qator grandlar tomonidan jiddiy qiziqish bildirilayotganidan xabardor, biroq uni sotish niyatida emas.

Jamoa Chempionlar ligasiga yo‘llanma olganidan so‘ng, «Villa» o‘z yulduzi bilan xayrlashishga hojat yo‘q deb hisoblashadi. Biroq, agar juda ham foydali taklif tushsa, klub o‘z pozisiyasini o‘zgartiradimi yoki yo‘q — bu noma’lumligicha qolmoqda.

Morgan Rojers uchun asosiy da’vogar sifatida so‘nggi paytlarda Londonning «Arsenal» klubi tilga olinmoqda, shuningdek, unga «Manchester Siti» ham qiziqish bildirmoqda. «Transfermarkt» ma’lumotlariga ko‘ra, Angliya terma jamoasi futbolchisining bozor qiymati 80 million yevroni tashkil etadi.